Ein gwaith
Mae BIS yn dod â phopeth sy’n ysgogi’r economi at ei gilydd mewn un lle. Mae’n meysydd polisi ni - o sgiliau ac addysg uwch i arloesi a gwyddoniaeth i fusnes a masnach - i gyd yn gallu helpu i ysgogi twf.
Dyma drosolwg o’n meysydd polisi – cliciwch ar y dolenni i gael rhagor o wybodaeth.
Rydyn ni wedi ymrwymo i feithrin marchnadoedd cystadleuol trwy sicrhau fframwaith priodol o ran y gyfraith fusnes, gan alluogi cwmnïau i gystadlu’n rhydd a chan roi dewis a gwerth i ddefnyddwyr.
Dylai defnyddwyr gael eu trin yn deg, deall eu hawliau a bod mewn sefyllfa i’w defnyddio nhw’n effeithiol, a dylai’r gyfraith defnyddwyr fod yn deg i ddefnyddwyr a busnesau fel ei gilydd.
Rydyn ni’n credu bod cyflogaeth yn bwysig ac yn gweithio i hyrwyddo arferion da a chysylltiadau effeithiol o ran cyflogaeth.
Trwy gymorth menter a busnes rydyn ni’n cryfhau’r amgylchedd busnes ar gyfer busnesau bach ac yn galluogi rhagor o bobl a chymunedau i sefydlu busnesau.
Rydyn ni wedi ymrwymo i helpu diwydiannau Prydain i wella’u cynhyrchiant ac i feithrin natur gystadleuol o safon ryngwladol trwy gefnogi ein sectorau busnes strategol bwysig.
Gwlad fasnachol yw Prydain, ac rydyn ni’n helpu cwmnïau’r Deyrnas Unedig i fasnachu gyda gwledydd eraill mewn tri maes sy’n allweddol i gwmnïau sy’n masnachu ac yn allforio nwyddau’n rhyngwladol: Ewrop, masnach a rheoli allforion.
Mae’r Weithrediaeth Rheoleiddio Gwell yn arwain y gwaith diwygio ar draws y llywodraeth gyda’r bwriad o leihau’r baich gweinyddol sydd ar fusnesau.
Rydyn ni wedi ymrwymo i feithrin addysg uwch o safon ryngwladol er mwyn sicrhau bod gan y wlad y sgiliau lefel-uchel y mae eu hangen i lwyddo’n economaidd, gan sicrhau rhagoriaeth hefyd mewn addysg ac ymchwil.
Rydyn ni wrthi’n creu sector addysg bellach ymatebol o ansawdd uchel sy’n rhoi’r sgiliau sy’n angenrheidiol mewn economi modern a byd-eang i’r gweithwyr. Bydd hyn yn cryfhau perfformiad economaidd ac yn gwella cyfleoedd bywyd ein pobl.
Rydyn ni’n ceisio sicrhau rhagoriaeth fyd-eang mewn gwyddoniaeth ac ymchwil i’n helpu i gynnal ffyniant economaidd a mynd i’r afael â’r heriau allweddol sy’n ein hwynebu yn fyd-eang a gartref, megis newid yn yr hinsawdd a diogelwch.
Mae arloesi yn ein helpu i wynebu heriau cymhleth ac yn sbarduno twf trwy wella cynhyrchiant ac ymchwilio a datblygu. BIS sy’n arwain agenda arloesi ac rydyn ni’n cymryd camau i hybu arloesi yn yr economi ac ar draws y sector cyhoeddus.
Ein nod yw helpu pob un o ranbarthau Lloegr i gynyddu datblygiad economaidd rhanbarthol cynaliadwy a chau’r bwlch rhwng cyfraddau twf y gwahanol ranbarthau.
Y sefydliadau partner
Mae amrywiaeth eang o sefydliadau yn helpu BIS i gyflawni ei blaenoriaethau strategol. Mae’n rhwydwaith o sefydliadau partner yn rhoi gwasanaethau, gwybodaeth a chyngor i’r Adran ac yn uniongyrchol i amrywiaeth eang o bobl a sefydliadau.
